مخطط الميزانيه مخطط الميزانيه الشهرية

 نصائح لنظافة المطبخ: 

Kitchen Tips 

شوية حاجات  كده تخلي مطبخك نظيف باستمرار أيا كان نوعه وشكله ومساحته: 

1🔹نضفي وقشري الخضار في طبق بلاستيك عشان يبقى سهل ترمي اللي فيه وتغسليه بسهولة

مش على الرخامة عشان لونها ميغيرش وريحتها وتضطري تغسليها وتتعبي.

2🔹كل حاجة تفضى من طقم التوابل اغسليها قبل ما تحطي فيها الجديد 

عشان بخار المطبخ والروائح متعملش طبقة عليها وتفضل علطول بتلمع.

3🔹طاسة القلي اغسليها مع كل تغييرة زيت عشان ميبقاش لونها زي فحم الكوك وتبقى مضرة.

4🔹قطاعة وسكينة الفراخ واللحمة والسمك حاجة وقطاعة الخضار والفواكه حاجة تانية 

 5🔹حطي 4 فوط مطبخ صغيرة كالآتي :

واحدة لتنشيف إيدك باستمرار وانت في المطبخ

وواحدة على باب الفرن تفتحي وتقفلي وتمسكي صواني وهو سخن 

وواحدة تحت الحنفية تشرب المية حول الحوض بدل ما تسيح 

وواحدة عالحوض تفصل هدومك عن المية

6🔹بفوط الحوض بعد كل غسلة مواعين وهي مبلولة امسحي البوتجاز عالسريع واغسليها: 

عشان يبقى نضيف كل يوم ومتحتاجيش أجنة وشاكوش عشان تكسري اللي وقع عليه بعد ما النار ت نشفه.

ولو حاجة فارت عالبوتجاز والنار شغالة وحرقتها بدل ما الدعك رشي عليها بيكربونات وخل هيعمل فوران لطيف سيبيه 5 دقايق وامسحيه بفوطة مبلولة هيبقي فلة

7🔹فضي التلاجة كل يوم من الأطباق والحلل اللي ملهاش لازمة 

بدل ما كل شوية حاجة تدلق منها وهي بتتفتح وريحتها متبقاش مكمكمة.  

8🔹لو عندك ديب فريزر خلى كل درج لحاجة معينة : مخبوزات، لحوم، خضار وفاكهة، توم، ياميش 

عشان مفيش حاجة تكرف عالتانية 

وتلاقي الحاجات بسهولة.

9🔹الفريزر عشان يبقى منظم وسهل تلاقي الحاجة فيه يا إما تحطي في علب يا إما في أكياس وتبططيها عشان متخدش مساحة. وورقة واكتبي عليها اسم كل حاجه والزقيها ع الاكياس او العلب 

10🔹اكنسي المطبخ كل يوم 

النمل ما بيصدق فرصة الفتافيت. 

11🔹حطي فوطة عالرخامة تصفي عليها الحلل والطاسات من المية بعد الغسل قبل ما تشيليها في المطبخ 

المية في الحلل على بعضها بتعمل بكتيريا لها ريحة،

وكذلك المعالق والشوك والسكاكين في المصفاة لنفس السبب. 

12🔹غيري ليفة المواعين باستمرار 

مش لازم تستغيث يعني 

واغسليها كل يوم بمية سخنة. 

13🔹لو عندك غلاية ، فرن كهربا، ميكرويف نضفيهم أسبوعيا من جوة وبره

14🔹خلي جركن أو زجاجات مية احتياطي عشان لو قطعت ماتبقاش مشكلة. 

15🔹خلي 3 شنط كبيرة مكانها معروف واحدة للشنط والأكياس الكبير وواحدة للمتوسطة وواحدة للصغيرة

هتوفر عليك وقت وجهد.

16🔹حطي صابون المواعين في إزازة شامبو خلصت ومنها عالليفة مباشرة واغسليها بعد كل نوع ( أطباق، معالق، حلل، أكواب ) 

مش في طبق عشان البكتيريا.

17🔹طقم التربو بتاع البصل والبطاطس افرشيه ورق وغيريه 

أسهل من إنه يتوسخ ويعمل ريحة ويتغسل. 

18🔹أثناء الطبخ أما تستخدمي حاجة شيليها علطول 

عشان لو سيبتي كل حاجة تشيليها في الآخر الدنيا هتبقى مكركبة ونفسك هتتسد وتكسلي من المنظر. 

19🔹حطي فوطة تحت الحوض عند رجلك 

تنشفي بها الأرض لو اتبلت في ساعتها. 

20🔹مهم جدااا غسل سكينة الخلاط والكبة والقطاعة بالليفة كل مرة مش مية بس 

عشان البقايا العالقة فيها أما بتنشف بتعمل عفن وبكتيريا

نصائح لترتيب المطبخ: 

1🔹احتفظى بازايز منظف الصحون لما تخلص واستخدميها فى انك تخففى سايل التنظيف بالماء توفيرا للنفقات. 

2🔹ازايز منظف الصحون لما تخلص برضه حطى فيها كلور لان ليها بوز صغير هيوفر عليكى الدلق الكتير للكلور. 

3🔹دايما حطى دواسة تحت الحوض علشان تتلقى الميا و السوايل. 

4🔹 خللى دايما كيس جنبك وانتى بتطبخى حطى فيه بقاياالفراخ والسمك والخضار واربطيه وارميه اول باول.

5🔹باسكيت القمامة دايما خليه نضيف ونظفيه بمطهر وشمسيه ولبسيه كيس ومترميش فيه اى قمامة سايله خليه بس الفرق  والمناديل والبلاستكيات.
6🔹 دايما بعض ماتخلصى مواعينك بليل طهرى حوضك بالكلور واغسلى خلاط علشان ميتكونش عليه تكلسات يصعب عليكى تنضفيها لاحقا.
7🔹 فوط المطبخ اغسليها يوميا بعد الاستخدام وانشريها. 
8🔹لو مطبخك سيراميكه فى اى زيوت او دهون مش نضيف يعنى كبى عليه ميا سخنة وخل وبريل وبمقشة وادعكيه الاول وبعدين امسحيه. 
9🔹لو عايزة تحافظى على لمعان استانلس بوتجازك مفيش داعى للمنظفات القوية زى مذيبات الدهون ومنظفات الافران لانها بتطفى لمعته خلي دايما ايدك فيه اول باول بعد كل استخدام مش هيحتاج لاى منظفات غير سائل الصحون.
10🔹بلاش المفارش اللى بتتحط على رفوف التلاجة لانها بتعيق توزيع البرودة داخلها. 

اقرا ايضا في أي وقت أعطى بيع سلعك لقطة الفيسبوك؟ رقم؟ حسنًا ، ربما يجب عليك ذلك. حيث يوجد أفراد توجد صفقات

اقرا ايضالماذا يجب أن تستثمر العلامات التجارية في التسويق الرقمي

اقرا ايضاإذا تعلمت هذه الأشياء تكون محبوباً و ذا شعبيه بين الناس

اقرا ايضادعاء يقال لمره واحده في العمر تكفي إذا دعوته تمضى سنه ولا تستطيع الملائكة الانتهاء من كتابه حسناتك

11🔹وانتى بتنضفى التلاجة اهتمى دايما بتنضيف الجوان بفرشاه اسنان.
12🔹اكياس الرز والمكرونة والعدس وماشابه دايما فضيهم فى علب خزين علشان يبقى شكلهم منظم.
13🔹التيربو بتاع البصل والتوم حطى فى اخر رف ورق اوقماشة علشان تتلقى اى قشر او فصوص توم تقع مابين الفتحات.
14🔹الانبوبة دايما تخللى بالك منها من تحت علشان بيتخبى فيها صراصير. 
15🔹لازم تهوى مطبخك يوميا ومتخليش اى قمامة بايتة ولا اى سوائل فى المطبخ او اكل مكشوف علشان الحشرات. 

16🔹حافظى دايما على المكان اللى تحت الحوض نضيف جاف علشان بيعمل ريحة ومكان ممتاز للصراصير.

17🔹عودى نفسك تمسحى المطبخ يوميا على الاقل واستخدمىالفنيك لتنظيفه.
18🔹الرخامات دايما حافظى على نظافتها وخليها دايما شبه خالية ماعدا سخان الشاى الميكرويف طقم التوابل او حامل المجات. 

19 🔹متخليش فوق التلاجة ده مكان للكراكيب خليه دايما نضيف وفاضى وعليه منظر جمالى زى زهرية ورد او اى ديكور.

20 🔹فضى مطبخك دايما من الكراكيب.