خطوات تقليل الاغتراب والتحويل لطلاب الثانوية العامة 2022
لو تعرف طالب فى ثانوية عامة لازم تساعده يشوف الكلام دا
لازم تاخد بالك من كذا نقطه قبل ما اقولك على خطوات تقليل الاغتراب:
1- موقع تقليل الاغتراب والتحويل واحد بس تقليل الاغتراب اسمه "تحويل 0مناظر" والتحويل أسمه غير مناظر
2- لازم تاخد بالك ان لما الموقع يفتح متاح ليك تعمل حاجه واحده بس إما تحويل أو تقليل اغتراب " ركز حاجه واحــــــــــــــــــــــــــــــــــــدة بس
3- شرط التحويل الغير مناظر "التحويل"
أ- ان تكون جايب مجموع الكلية اللي تحول لها انتظام او انتساب
ب- أن تكون الكلية دي واقعة داخل نطاق "أ" فقط.
* مثال جالك تجارة المنصورة وانت عايز تحول حقوق المنصورة بما ان المنصورة نطاق "أ" بالنسبة لك وكمان جايب مجموع حقوق يبقى التحويل هيقبل.
* مثال تاني جالك تجارة المنصورة وأنت عايز تحول حقوق عين شمس وانت نطاقك المنصورة وبرغم انك جايب حقوق عين شمس كدا التحويل مش هيقبل لأن عين شمس خارج توزيعك الجغرافي.
4- شرط التحويل المناظر "تقليل الاغتراب"
أ- تحويل من كلية خارج نطاقك الجغرافي إلى نفس الكلية داخل نطاقك الجغرافي ولا يشترط الحصول على مجموع الكلية.
* مثال جالك كلية تجارة عين شمس وعايز تحول تجارة المنصورة على الرغم ان مجموعك مش جايب تجارة المنصورة تقدر تحول عادي وكل مايكون الفرق بينك وبين تجارة المنصورة بسيط كل ما يكون نسبه قبولك في تقليل الاغتراب اكبر.
ب- في حالة ترشيح الطالب إلى كلية ما "انتظام" ويرغب في التحويل إلى كلية مناظرة لتقليل الاغتراب فيكون التحويل في هذه الحالة وفقاً لما يلي:
- إذا كان الطالب حاصل على مجموع درجات يفوق الحد الأدنى لمجموع درجات "الانتساب الموجه" الذي قبل بالكلية التي يرغب في التحويل إليها فيتم قيده حال الموافقة على تحويله وفق نظام "الانتظام".
- إذا كان الطالب حاصل على مجموع درجات يساوي أو أقل من الحد الأدنى لمجموع درجات "الانتساب الموجه" الذي قبل بالكلية التي يرغب في التحويل إليها فيتم قيده حال الموافقة على تحويله وفق نظام "الانتساب الموجه".
- يتم قبول تحويلات في حدود نسبة مئوية يحددها المجلس الأعلى للجامعات بنسبة 10% من الأماكن المقررة لكل كلية وطبقا للإمكانيات الاستيعابية للكليات.
5- خطوات تقليل الاغتراب :
- لما موقع التحويل يفتح هتدخل عليه عادي زي خطوه الرغبات بالظبط و هتضغط على تسجيل رغباتك " صوره رقم 1
| الحصول علي الرقم السري |
- هتكتب بتاعتك عادى زى خطوات كتابة الرغبات " صوره رقم 2
 |
| إدخال رقم الجلوس |
- هتضغط على كلمة جديد علشان تكتب رغبات من أول وجديد صورة رقم 3
 |
| عرض قائمة الرغبات المسجلة سابقا |
- هتراجع البيانات بتاعتك عادى جدا وتضغط على الخطوة التالية صورة رقم 4
 |
| البيانات الأساسية |
- هتختار نوع التحويل اللي عايزه تقليل اغتراب "تحويل مناظر" التحويل من كلية لكلية تانية "تحويل غير مناظر" وبعدين هتلاقي قائمة كليات تقدر تضيف منها كلية او اكتر وبعد كده هتضغط التالي صورة رقم 5
 |
| طلب تقليل الاغتراب |
- بعد ما نتيجة تقليل الاغتراب والتحويل تظهر هتلاقي بطاقة ترشيح جديده ويعتبر بطاقة الترشيح اللي قبل التحويل لاغية والبطاقة اللي بعد تقليل الاغتراب او التحويل هي اللي هتقدم بيها في الكلية.
- تقليل الاغتراب هيفتح بعد نهايــــة المرحلة الثانية هيفتح للمرحلة الأولى والثانية مع بعض بس فى شويــــة قواعد لازم تعرفهم قبل ماتدخل على الموقع.
- بالنسبة للناس اللى مش محتاجه تقليل الاغتراب تابعوا صفحات الكليات بتاعتك هينزل عليها مواعيد التقديم.
نيجى بقى للناس اللى هتقدم على تقليل الاغتراب
- مبدئيا كدا انت قدامك حاجة واحده أما تعمل تقليل اغتراب او تحويل لو أنت فى دماغك الأتنين لازم تقرر الأول لانك مش هتعرف تعمل الاتنين.
- تقليل الاغتراب فرصتك فى القبول كبيره كل ماتكون قريب للكليه اللى بتعمل له تقليل الاغتراب.
-لازم عملية تقليل اغتراب تكون لكلية من نطاق ( أ ) يعنى لو جيت تعمل تقليل اغتراب من مكان بعيد لكلية خارج نطاق (أ ) هيقولك خطأ فى التوزيع الجغرافى زى الرغبات بالظبط
مثلا لو جالك هندسة أسيوط وأنت من القاهره لازم لما تيجى تعمل تقليل اغتراب يبقى للجامعات التالية ( عين شمس - حلوان - القاهره ) ومش هتختار اى واحده فيهم وخلاص لا تختار الأقرب لمجموعك.
- نيجى للناس اللى عايزه احول من كليه لكليه تانيه لازم برضوا تبقى داخل التوزيع الجغرافى بمعنى لو حضرتك اداب القاهره وعايز احول تجارة يبقى لازم تحول لتجارة القاهرة أو عين شمس وحلوان شرط تكون جايب مجموع تجاره فى الجامعة اللى عايز تحول له مينفعش تحول من اداب القاهره اداب المنصوره كدا هيقولك خطأ فى التوزيع الجغرافى ( لازم التحويل دا النطاق بتاعك ).
- نفترض أن تقليل الاغتراب اترفض مش هيبقى قدامك غير حل واحد فقط هو انك هتفضل فى الجامعة بتاعتك دى سنه وبعدين هتقدم طلب تحويل ورقى بيبقى بين الجامعات وبعضها مالوش علاقه بالتنسيق.
- نيجى بقى لموضوع الانتساب والانتظام فى تقليل الاغتراب
جالك كلية اداب اسيوط ( انتظام ) وأنت من المنصورة وعايز تعمل تقليل اغتراب بس متعرفش هتروح على المنصورة على انتظام ولا انتساب.
طريقتين الانتساب والانتظام فى تقليل الاغتراب
الطريقه الأولي:
- لو مجموعك اعلى من انتساب المنصورة يتم تحويلك على الانتظام.
الطريقه الثانيه:
- لو مجموعك أقل من أو يساوى انتساب المنصورة يتم تحويلك على نظام الانتساب.
يعنى انت تقيس نفسك على الانتساب اقل او تساوى يبقى هتروح انتساب حتى لو كنت قابل هناك انتظام لو أعلى من الانتساب يبقى هتحول على انتظام.
تعليقات
إرسال تعليق